Zeidstrudl

mid oana zeidmaschin!...

då gabs kafee und guade zeidn zum friastick
und z'mittåg hädst ålleweul zeid!
mia hädn zeid!, zeid zum teuln!, zur jausn
und an zeid-tee mid rum am åbnd

zeid! zeid fia imma! fia di und fia mi!

wia gern bracht i da a zeid, kross und frisch!
a gschmackigs zeid-brot mid zeid-kas,
und zeid-keks mid vüh geil'm schlåg!

und aus finstare zeidn
måch ma zeid-blunzn ebm!

du hättst a zeid-turtn, jedn geburtståg!,
und da Hauns kriagt an Zeid-Strudl, a!

[[ Hauns:

Zeid-strudl måcha
und Zeid-Strudl båcha
und Zeid-strudl nåscha
ålle Weul!

Zeid-strudl måcha
und Zeid-Strudl båcha
a zeid-strudl am tåg
måcht aus d'foitn ka plåg!
]]

i wuart de leid gaunz midzeidig auschaun!,
wia's rennan und hetzn und jågn!
wias oiweu nu schnölla und schnölla
mid jeda stund eana zeid umischlågn

mei wås häd ma a freid!
und wås hädn ma zeid!
sovüh zeid! sovüh zeid, fira freid!

mia wuartn d'stundn vakudan!
und daun måch ma's
und båch ma's
uns wieda vo vuan!

jå daun måch ma's
und båch ma's
uns wieda vo vuan

häd i bloss ... a zeidmaschin...

☝^gaunz aufi^☝
☜zruck zum index☚
© NtH, 2017