☜zruck zum index☚
♫ Shell Silverstein: The Unicorn (mp3 ~8mb) ♫
taken from ♫ Coffee Spoons & Tuning Forks ♫ at the archive.org
'd oaheandl "The Unicorn" by Shell Silverstein
zur original-version (The Unicorn)
Mei, a zeidl is hea, då woa dwöd nu grea,
då håts sovü viecha gebm, des glaubst ned mea
und umagrennt sans frei, daweu d'erd auf dwöd kema is
und des liabste vo ålle, woa des oahorn gwiss
då woan de grean krokodüh, und d'gäns mim launga hois
då woan buglade kamöh, und d'schimpansn a,
då woan kåtzn, råtzn, elefaunt, åwa so woa wia ma lebm,
des zeamste vo oi, des is des oahorn' gwen
Nu håd da Heagod zvü sünd gsegn, da krågn is Eam plåtzt
Ea sågt: "Owåcht då-unt, glei faungt's zum schüttn aun!"
sågt: "He, oida Noah, i woas wåst jetz måchst,
zimmad ge an schwimmad tiagoascht zaum
Daun schnappsta zwoa krokodü, a poa vo de gäns,
schnappst zwoa buglade kamöh und schimpansn zwe
schnappst zwoa kåtzn, råtzn, elefaunt, do so woa i mid dia red!,
meine oaheandl, Noah!, de vagis ma ned!"
Nau, da Noah håts gheat, und schå påckta's au
und gråd is d'Archn fiati wuan, faungt's zum schledan au, wia d'sau
und wiara d'viecha zaum(a)dreibt, zwoa und zwoa
ruafta, durch des viecha-gschroa:
"He Herr!!!, i hå da..
Zwoa krokodü, a bünki lei gäns,
hå zwoa buglade kamöh und schimpansn zwe
hå zwoa kåtzn, råtzn, elefaunt, do mei God!, wås soi i duan,
i siach koane oaheandl hint und vuan!"
Aft, da Noah schaud aussi, in den wüdn regn
und d'oahearndl håda då [[voi freid?]] im gatsch spühn gsegn
mei wia's plantschn und springan in dem regnschwall --
schaus ge au, de bledn oaheandal!
Jå zwoa krokodü, und a poa vo de gäns,
zwoa buglade kamöh und schimpansn zwen
Noah schreid: "Zua de dia!, es regn't zu sehr!,
und d'oaheandl dawoat ma - nimma mea."
Und de Archn kråcht und treibt davo wia a feahn
und d'oaheandal schaun vom fösn auf und plerrn
Und es wåssa steigt au, und schwoabts so iagndwia davau
und so kimts, das ma d'oaheandl niagns mehr segen kau...
Heid siagst an haufm Krokodü, gaunze hoardn vo gäns
siagst vüh buglade kamöh, und muarts-vüh åffm ebm
du siagst kåtz und råtz und elefaunt, do glaub ma's auf's wuart!
oahearndl siagst koa, de san fia imma fuart
☝^gaunz aufi^☝
☜zruck zum index☚
© NtH, 2017