☜zruck zum index☚
♫ oadaxl - akustik-skizze ♫
Wia ma ålle wissn, håts friara jå ned nua de oadaxl gebm, sundan a
de aundadaxl.
Fia de, de nu zjung san:
De aundadaxl, de håm se dåmois mid de oadaxl fuatpflaunzt, åwa se
håm de oadaxl a fiaraweng oafötig ghoidn, und söwa san se se
gråd recht guad vuakuma.
Und am end sans ausgsturbm.
I hå des glick dahåbt, das i dåmois bei dem historischen moment dabei
håb sei deafa, wia si des letzte aundadaxl beim braudweam goa a bissl zvüh
umazaad håd, und de oadaxl nåchant draufkema sant, das's jå eigentli
goa ned mea ois iagnd-oadaxl oda sunst-oadaxl braucht,
damids ned ausdasterm.
's oadaxl oda: des letzte aundadaxl
sågt des oadaxl zu dem aundadaxl
dad ma uns zaummadaxln
warnt ma a zwoadaxl
sågt des aundadaxl zu dem oadaxl
I resches aundadaxl,
riar do fia di ka haxl!
sågt des oadaxl zu dem aundadaxl
geh, du aundadaxl
so a bsonda-daxl
bistament a wieda ned
sågt des aundadaxl zu dem oadaxl
håst ois oadaxl
woi zvüh aloa-daxlt
sågt des oadaxl zu dem aundadaxl
reisst ma's meu zweid auf,
daun foin am d'zantaln aus
sågt des aundadaxl zu dem oadaxl
bist z'gach uma-ghaxlt
und wo z'fest au-daxlt
sågt des oadaxl zu dem aundadaxl
geh warst weng zuwa-kraxlt
hättma umadaxlt
sågt des oadaxl nu zum aundadaxl
und de kloadaxln
wuartn oadaxln
sågt des aundadaxl zu dem oadaxl
des måg sche woi klinga
do mid dia zaumma wuatns woipadinga
sågt des oadaxl zu dem aundadaxl
wauns nåch dia keman,
weans sche im Ei gebüdet
sågt des aundadaxl zu dem oadaxl
hädst nua zwoa haxl,
wast a schiache kraxn
sågt des oadaxl zu dem aundadaxl
schwing deine waundahaxl
damisch's aundadaxl
i fint ma sunst-oadaxl
du owa putz di! ...
Narrator:
aft stiabt's aus...
☝^gaunz aufi^☝
☜zruck zum index☚
© NtH, 2017