☜zruck zum index☚
Auf ålle zeidn! (Für meine Eltern zur Goldenen Hochzeit)
gspiarast mi, wie i di gspiarad
wardst bei mia, waun i bei dia lag
kuntst mi hoidn, kuntst mi leidn?
hoitst mi fest, auf ålle zeidn!?
Moanst a, dass des mid uns zwoa
mea ois nur a gspusi woa
mechatst mid mia d'dåg vabringa,
grantig sei und uma-springa,
bleibst bei mia auf ålle zeidn,
a waun ma uns moi ned daleidn
und wia deppad umastreidn
bleib bei mia!, suach ned de weitn!
hoitst mi, waun i'n bodn valia,
låsst mi fliag('e)n, waun i d'fliagl gspia
faungst mi, warns z'gach wegka-brocha
oda låsst mi daun in d'erd nei kråcha!?
gspiarast mi, wie i di gspiarad
wardst bei mia, waun i bei dia lag
kuntst mi hoidn, kuntst mi leidn?
hoitst zu mir, auf ålle zeidn!?
kaust mi hoidn, kaust mi faunga,
wuart i da auf d'daua glaunga?
mid da zeid dia ned auf d'neavn geh
mid meina oat, mid meine schmäh..
stehst zu mia, auf meina seitn
gehst mid mia, durch schware zeitn
Wird da wurscht sei
, wås de aundan sågn
so laung uns unsre weg datrågn
gspirast mi Du, wie i di gspiarad
wardst bei mia, waun i bei dia lag
kuntst mi hoidn, kaunst mi leidn?
gehst mid mia, durch ålle zeidn
☝^gaunz aufi^☝
☜zruck zum index☚
© NtH, 2017